वन विभागातील सेवा वर्गीकरणाबाबत PCCF यांचे महत्त्वपूर्ण आदेश
दिनांक 15.06.2026 रोजी प्रधान मुख्य वनसंरक्षक (प्रशासन व दुय्यम संवर्ग ), महाराष्ट्र राज्य, नागपूर यांनी वन विभागातील अधिकारी व कर्मचाऱ्यांच्या सेवा वर्गीकरणाबाबत महत्त्वपूर्ण निर्देश जारी केले आहेत. या आदेशामुळे वनवृत्त स्तरावर करण्यात येणाऱ्या तात्पुरत्या सेवा वर्गीकरणाच्या प्रक्रियेवर स्पष्ट निर्बंध आले आहेत.
वनवृत्त स्तरावर सेवा वर्गीकरणाबाबत PCCF कार्यालयाची भूमिका
वन विभागाच्या निदर्शनास आले होते की, काही वनवृत्तांमध्ये अधिकारी आणि कर्मचाऱ्यांचे विभागांतर्गत किंवा इतर ठिकाणी तात्पुरत्या स्वरूपात सेवा वर्ग (Service Diversion) करण्याचे आदेश निर्गमित करण्यात येत आहेत. या पार्श्वभूमीवर प्रधान मुख्य वनसंरक्षक (प्रशासन व मनुष्यबळ) कार्यालयाने सर्व मुख्य वनसंरक्षक (प्रादेशिक) आणि वनसंरक्षक (प्रादेशिक) यांना स्पष्ट निर्देश जारी केले आहेत.
पत्रात नमूद करण्यात आले आहे की, अशा प्रकारच्या सेवा वर्गीकरणासंदर्भात शासनाचे कोणतेही स्पष्ट धोरण, शासन निर्णय किंवा परिपत्रक उपलब्ध नाही. त्यामुळे वनवृत्त स्तरावर अधिकारी अथवा कर्मचाऱ्यांचे सेवा वर्गीकरण करण्याची कार्यवाही करणे योग्य नाही.
जारी केलेले सेवा वर्ग आदेश तात्काळ रद्द करण्याचे निर्देश
PCCF कार्यालयाने स्पष्टपणे नमूद केले आहे की, जर कोणत्याही वनवृत्तात अधिकारी किंवा कर्मचाऱ्यांचे तात्पुरत्या स्वरूपातील सेवा वर्ग करण्याचे आदेश जारी करण्यात आले असतील, तर असे आदेश तात्काळ रद्द करण्यात यावेत.
या निर्देशामुळे भविष्यात वनवृत्त स्तरावर स्वयंपूर्णपणे कर्मचारी समायोजन अथवा सेवा वर्गीकरण करण्यास मर्यादा येणार आहेत.
पदांची आवश्यकता नसल्यास काय करावे?
पत्रात पुढे नमूद करण्यात आले आहे की, एखाद्या वनवृत्तामध्ये अधिकारी किंवा कर्मचाऱ्यांच्या पदांची आवश्यकता नसल्यास ती पदे विभागांतर्गत किंवा इतर वनवृत्तात थेट वर्ग करण्याची कार्यवाही करू नये.
अशा परिस्थितीत संबंधित पदांच्या वर्गीकरणाबाबतचा प्रस्ताव प्रधान मुख्य वनसंरक्षक कार्यालयाकडे मंजुरीसाठी सादर करावा. अंतिम निर्णय सक्षम स्तरावरून घेतला जाईल.
0 Comments